Magapasaka sang kaso ang aktres nga si Xyriel Manabat batok sa isa ka driver sang transport vehicle nga ginaalegar naghatag sang malisyoso nga komento sa iya.
Nakaangkun sang madamo nga batikos ang nasambit nga account matapos sini gin-post ang selfie kaupod ang aktres kun sa diin gin-captionan niya ini sang indi husto kag batos nga komento.
Suno kay Manabat, indi niya pagpalampasun ang amo nga insidente kag gintuad nga ini nga butang ang indi gid dapat pagbuhatun nga kaladlawan, ilabi na nga natabo ang amo nga insidente sa simple lang kun tani nga biyahe sang aktres padulong sa iya nga obra.
Nagpahayag man sang pagkadismaya ang aktres bangud nangin maayo man ang pagtrato sini sa driver.
Nagpabutyag naman sang suporta sa aktres ang kompanya sang amo nga driver kag ila gid ini imbestigahan agud indi na masulit pa.
