Nag-abante na ang Filipina tennis star nga si Alex Eala sa round of 16 sang WTA Linz Open matapos ginlutos si Julia Grabher sang Austria, 6-4 6-3, sa imbukada nga hampang.
Ini ang una nga tion nga nag-atubangay sanday Eala kag Grabher sa WTA Tour.
Nagapang-87 subong ang amo nga Austrian player sa WTA, samtang nagapang-46 naman sa ranking ang 20-anyos nga Pinay.
Sunod nga atubangon ni Eala si 2017 French Open champion kag world no. 23 Jelena Ostapenko sa masunod nga round.
Samtang padayon ang hampang sang Pinay sa Austria, gin-anunsyo man nga nag-qualify siya sa main draw sang Stuttgart Open (Porsche Tennis Grand Prix) sa Germany sa masunod nga semana.
Siya ang magabulos sa Olympic champion nga si Qinwen Zheng sang China sa main draw matapos nga nag-withdraw ini sa kumpetisyon kasunod sang injury.
Kun yara na sa main draw, buot silingon, indi na maghampang si Eala sa qualifying matches kag magapreparar na lang sa pag-atubang sa field sa players kaangay kanday Mirra Andreeva, Jasmine Paolini, kag mangin ang defending champion nga si Ostapenko.#
