Nalutos ang Filipino tennis star nga si Alex Eala sa imbukada nga hampang sini sa Qatar Open kagab-i, Pebrero 9 (Manila time).
Ang nagpierde sa iya amo ang Czech teen qualifier nga si Tereza Valentova sa skor nga 7-6, 6-1.
Ini na ang pangaduha nga tion nga nalutos sini si Eala matapos ang Japan Open round of 32 sang nagligad nga Oktubre.
Magapahuway lang sang makadali ang 20-anyos nga Pinay player antes ang iya dugang nga hampang sa United Arab Emirates para sa Dubai Tennis Championships nga naka-schedule sa Pebrero 15 tubtub 21.
Kahapon sang ginkumpirma nga nagsaka na si Eala sa world no. 40 sa WTA ranking matapos nga nakadangat sa singles quarterfinal kag doubles semifinal sa WTA 500 Abu Dhabi Open sa UAE sang nagligad nga semana.
.){kind=link}