ILOILO CITY- Padayun nga ginapahaanumdum ni Carles Iloilo Mayor Siegfredo A. Betita ang mga pumuluyo sa ila banwa nga padayunon ang pagpaninlo sa palibot agud matapna na kag malikawan nga magdamo ang biktima sang dengue hemorrhagic fever.
Sa interview sang Bombo Radyo kay Betita iya ginpahayag nga ang banwa sang Carles ang nagabuylog sa panawagan ni Iloilo Governor Arthur Defensor Jr. nga magpaninlo tagsa ka Sabado.
Suno kay Betita iya gina-engganyo ang tanan nga magpaninlo bangud para man ini sa ila kaayuhan.
May yara man sang iban nga pumuluyo sang ila banwa suno kay Betita nga adlaw-adlaw nga nagapaninlo.
Indi naman magtinamad ang mga pumuluyo suno sa iya nga magpaninlo bangud kun magtinamad mas magataas ang kaso sang dengue.
Lakip man sa nagapaninlo suno kay Betita amo ang mga manunudlo sa mga eskwelahan sa banwa.
Nag-gamay naman suno sa natungdan ang kaso sang dengue sa Carles apang indi niya matumod kun pila na lang ka pasyente ang nabilin sa hospital.
