Ginbulgar ni Ramil Madriaga ang ginaalegar nga assassination plot batok kay President Bongbong Marcos.
Si Madriaga amo ang self-confessed bagman ni Vice President Sara Duterte. Natalana siya nga mag-atubang sa House Justice Committee hearing subong nga adlaw, Abril 14.
Ang nasapubliko nga sulat ni Madriaga ang napetsahan nga Abril 11, 2026 kag may nakabutang man nga pirma sini.
Sa amo nga sulat, gin-identify ni Madriaga si former President Rodrigo Duterte bilang si FPRRD.
Sang Nobyembre 2021, gin-alegar nga naghambal ang former president kay Madriaga nga tugutan sini nga magpadalagan si Marcos bilang president kaupod kay Sara.
Apang ginaalegar nga gamiton lang sini si Marcos bilang “political toool” agud nga makuha ni Sara ang pwesto sa 2025 agud nga mapalawig pa ang kontrol sang mga Duterte sa gobyerno sang Pilipinas.
Sang nakapanumpa na si Sara sang 2022, ginaalegar nga naghambal pa gid ang former president kay Madriaga kag sa iban pa nga retired generals nga nagplano ini nga kakason si Marcos sa opisina sa bisan ano nga paagi.
Pagkasunod sini, maga-assume si Sara bilang presidente kag mahimo pa makapadalagan sa 2028 presidential elections.
Sa sulat ni Madriaga, ginaalegar nga nakahibalo si Marcos nga magapanaog siya sa opisina sa 2025 agud nga ihatag kay Sara ang pwesto.
Antes makakas si Marcos, may matabo anay nga mass resignations sa government officials, lapnagon nga mga protesta, pagpamatay sa government officials, civil disobedience, kag atake sa Malacañang nga himuon sang mga indibidwal kag grupo nga ila ipalapta.
Suno kay Madriaga, ang iya assignment amo ang pag-recruit sang amo sini nga mga grupo kag indibidwal lakip na ang mga kriminal kag sindikato, kag kun maglapta na ang gamo, diri na kag ginalantaw nga matabo ang kudeta sang militar.
Pananglitan magpamalibad si Marcos nga magpanaog sa pwesto suno kay Madriaga, diri kag patyon ini ukon itapok sa Estados Unidos sang Amerika.
Wala pa sang sabat ang Malacañang sa sini nga alegasyon.
PURE FICTION
Sa bahin sang kampo ni VP Sara, nagpaguwa sang statement ang iya legal counsel nga si Atty. Paolo Panelo nga nagalaragway sa sulat ni Madriaga bilang “pure fiction” kag indi mapatihan.
“His allegations of a secret term-sharing agreement, planned ouster, and assassination plots against PBBM are pure fiction, and not even remotely believable,” suno kay Panelo.
“If the need arises, we will be happy to refute each delusional claim point by point with evidence — something that has eluded all his allegations, past and present,” dugang sini.#
