ILOILO CITY- Nasapwan nga nagabitay kag wala na sang kabuhi ang isa ka amay sa sulod sang ila puluy-an sa Brgy. Tupas, Carles, Iloilo.
Ang biktima amo si Roskie Fernandez, 58 anyos residente sang amo man nga lugar.
Mismo ang iya anak nga si Kris Ai amo ang nakakita sa biktima nga nagabitay na ini sa balayan gamit ang lubid.
Ginpahayag naman sang isa pa niya ka anak nga si Rhea Mae nga madugay na nga nagaagwanta ang ila amay bangud sa balatian nga cancer sa tutonlan.
Wala naman sang nakit-an ang otoridad sang posibilidad nga may foul play sa kamatayon ni Fernandez.
