ILOILO – Ginkilala nga kampeyon sa The 3rd National Bombo Music Festival 2020 ang ambahanon nga Vows nga ginsulat ni Jhannel Alvarado kag Dave Alvarado sang Zamboanga City.
Sanday Alvarado ang nagbaton sang Php275,000 kag trophy.
Nangin 1st runner-up naman ang ambahanon nga I’ll be Right by your Side nga ginsulat ni Elmar Jan Bolanos sang Tigbauan Iloilo kag Patrick Mark Armada sang Janiuay, Iloilo kag gin-interpret man ni Elmer Jan Bolanos.
Sanday Armada kag Bolanos ang nagbaton sang Php200,00 kag trophy.
2nd runner-up naman ang kanta nga LDR nga ginsulat ni Jose Lg Fuentes sang Consolacion Cebu.
Si Fuentes ang nagbaton sang Php150,00 kag trophy.
Nangin Best interpreter naman si Jose Lg Fuentes nga amo ang nagkanta kag nagsulat sang LDR.
Wala man sang kapyerdihan ang iban nga finalist bangud nakabaton man ang mga ini sang tag Php75,000 bilang consolation prize.
Nahibaluan nga ginpatigayon ang The 3rd National Bombo Music Festival 2020 sa West Visayas State University Cultural Center.
Dako ang pagpasalamat sang composer sang ambahananon nga Vows nga si Dave Alvarado sang Zamboanga City matapos nga ginkilala nga grand champion sa The 3rd National Bombo Music Festival 2020 grand performance night.
Gin-ako ni Alvarado nga wala gid niya ginlauman ang iya kadalag-an bangud tanan nga finalists ang deserving nga magdaog.
Ginpahayag ni Alvarado, nagapasalamat siya bangud sa nangin mainit nga pag abi-abi sang mga Ilonggo music enthusiast kag sa pag baton sa ila nga musika rason kun ngaa nakuha nila ang kadalag an.
Dugang pa sang natungdan, sila tanan ang isa lang ka instrumento agud mas mapalapnag ang Original Pilipino Music kag nangin isa ka dako nga plataporma ang Bombo Music Festival agud mapakita ang ila talento kag pagpalangga sa orihinal nga musikang pilipino.
