Gin-insister ni Senator Robin Padilla nga madugay na nga ginabaton sa gobyerno ang paggamit sang teleconferencing platform kaangay sang Zoom para sa mga hearing, meeting, kag iban pa nga mga proseso.
Gin-post ni Padilla ang iya reaksyon matapos ang tensyonado nga diskusyon sa Senado kasunod sang proposal ni Senator Rodante Marcoleta nga tugutan nga makatambong kag makaboto ang isa ka senador sa sesyon sang Senado paagi lamang sa video conference ukon online lamang.
Nag-walkout ang minority senators kasunod sang pag-init pa sang diskusyon gani nga wala natigayon ang binotohay kag gin-adjourn ang session tubtub sa Lunes, Hunyo 1.
“Matagal nang tinatanggap sa pamahalaan ang Zoom para sa mga pagdinig, pagpupulong, at mga proseso. Bakit ngayon ay nagiging pambansang isyu?,” kabahin sang post ni Padilla.
Dugang sini: “Apat ang abogado sa majority at may isang abogado sa minority. Kapag hindi na magkaintindihan ang mga abogado sa mga tuntunin ng senado, daanin na sa botohan ng mga miembro, yun ang demokrasya! Yun ang parliamentaryong pamamaraan.”
Nagaguwa pa sa tono sang post ni Padilla nga gina-enjoy sini ang debate sa Senate floor kagab-i nga ginlaragway sini nga Westminster-style parliamentary debate.
“Alhamdulillah! Masyado tayong bless mga ka tropa sa charter change. Nangyayari sa harapan natin ang Westminster style ng parliamentary debates. Majority rules! Minority walkouts! I love it,” dugang sini.
Pahayag pa ni Padilla: “Cheers mga comrade sa charter change! I feel good! So good!”#
