Sa isa ka tumalagsahon nga tion, nagtindog sa plenaryo si Senator Lito Lapid kag ginklaro nga indi siya maghalin sa minority bloc — baliskad sa mga nagalagaw nga espekulasyon sa social media.
“Tungkol po yung nangyare kahapon at marami pong kumakalat sa social media na ako’y lumipat na sa majority, hindi po totoo iyan. Mananatili po ako sa minority group at hindi po ako aalis dito,” suno kay Lapid sa Senate plenary session, Mayo 26.
Dugang sini: “Yun pong motion ni Sen. [Juan Miguel] Zubiri kahapon ay sinusuportahan ko po.”
Sang Lunes, nangin agaw-atensyon sa Senado ang pagpamangkot ni Senator Rodante Marcoleta kay Senator Lapid kun pareho bala ang iya posisyon sa mosyon ni Senator Migz Zubiri nga kakason sa Senate record ang kontrobersyal nga video presentation ni Senator Imee Marcos kaangot sa ginaalegar sini nga constitutional assembly plot.
Ginpalapitan gid ni Marcoleta si Lapid kag ginpangamusta pa.
Ginkumpirma man sini sa plenaryo nga indi mag-upod si Lapid sa posisyon sang kaangay sini nga mga senador sa minorya.
“I got his word [that] he is not seconding the motion of my amiable friend, the former majority leader, Sen. Migz Zubiri,” suno kay Marcoleta.
Apang kahapon, gin-athag ni Lapid nga ginasegundahan sini ang mosyon ni Zubiri apang wala lang siya nakahambal sang Lunes bangud nagpinsar siya nga may binotohay.
Nagpanawagan man si Lapid sa iya mga kaupdanan nga mag-isa na kasunod sang mga tension kag pagbinahin-bahin.
“Hiling ko lang po dito sa Senado, sana magkaisa tayo. Iwasan ang bangayan. Ang dami-dami nating bisitang pari dito,” suno kay Lapid. Naghingyo man ini sa mga pari nga bisita sa session: “Ipagdasal niyo po kami na magkaisa na po kami para maibalik ang dangal ng Senado.”#
