𝗨𝗦𝗔 —Nagpaguwa sang duha ka bag-o nga bonus track ang American pop superstar nga si Ariana Grande bilang selebrasyon sang ika-10 nga tuig sang iya sophomore album nga “My Everything.”
Sa isa ka sorpresa nga pagpaguwa, gin-treat ni Grande ang iya fans sang bag-o nga mga track nga “Cadillac Song” kag “Too Close,” nga wala pa ma-release nga paborito sang mga avid fans.
Ang “My Everything” nagpakilala kay Grande sa kalibutan paagi sa mga hits pareho sang “Break Free,” “One Last Time,” “Bang Bang” upod kay Jessie J kag Nicki Minaj, “Love Me Harder” upod kay The Weeknd, “Problem” upod kay Iggy Azalea, kag iban pa.
Sang nagligad nga tuig, ginsaulog man ni Grande ang ika-10 nga tuig sang iya debut album nga “Yours Truly” apang may mga live sessions.
Ginpaguwa ni Grande ang iya pinakaulihi nga album nga “eternal sunshine” nga may mga kanta pareho sang “yes, and?” “we can’t be friends,” lakip ang iban pa, nga nagalibot nahanungod sa mga kasubo ka nagaangot sa iya nagligad nga relasyon.
Madamo nga mga fans ang nakaobserbar sang pagsambit ni Grande sa iya nagligad nga relasyon sa real estate agent nga si Dalton Gomez.
Sanday Grande kag Gomez nagsugod sa pag-date sang 2020 kag nagpakasal sang 2021 sa puluy-an sang singer sa Montecito sa Southern California.
Pila ka mga American media outlets ang nauna nga nagsiling nga nag-file sang diborsyo si Grande 2 ka bulan pagkatapos nga una nga ginreport ang ila una nga pagbulagay.
Ang isa ka magazine nagsiling nga ang pagbulagay sang duha ang “kind and patient” kag sila nga duha ang “naka-move on” na.
Pagkatapos sang iya pagbulagay kay Gomez, si Grande ang gin-link sa iya kaupod nga “Wicked” star nga si Ethan Slater.
