Ginpanginwala sang Amerika nga may kahilabtanan ini sa drone attack sa Kremlin nga ginapahayag nag-target kay Russian President Vladimir Putin.
Suno kay national security council spokesperson John Kirby, nagabutig lamang ang Kremlin kag sa pagkamatuod, wala ginasuportahan sang Estados Unidos ang anuman nga krimen ukon pagpang-atake nga himuon sang Ukraine sa guwa sang ila nga teritoryo.
Matandaan nga gab-i sang natabo ang gin-alegar nga pagpang-atake sa historic Senate Palace nga amo ang official residence ni Vladimir Putin.
Wala si Putin sa building nga gin-atake, kag wala man sang material nga damage sa amo nga area.
Una naman nga ginpanginwala sang Ukraine nga responsable ini sa amo nga drone attack kag nagpahayag pa nga posible nga Russia man ang nagmato-mato hikutar sang amo nga drone attack kag sunod nga ipasibangod sa Kyiv kag sa Amerika.
