ILOILO CITY- Arestado sa drug buy bust operation ang anak sang incumbent kag reelectionist barangay kagawad sang Bo. Obrero, Lapuz, Iloilo City.
Ang nadakpan amo si Alvin de la Cruz, 30 anyos, kag anak ni Barangay Kagawad Alan Dela Cruz.
Nabaklan si de la Cruz sang isa ka sachet sang shabu sa balor P2,500 sa ginpatigayon nga operasyon sa Brgy. Camangay, Leganes, Iloilo.
Nakuha pa gid sa iya ang duha ka plastic sachets sang ginapatihan shabu nga may estimated market value nga P70,000, kag iban pa nga drug paraphernalia.
Sa interview sang Bombo Radyo kay P/ Executive Master Sergeant Benjie Concepcion, deputy station commander sang Leganes Municipal Police Station, iya ginpahayag malapit isa ka semana man nga ginmonitor ang hulag sang subject.
Suno kay Concepcion, may yara lang sang nagadul-ong sa supply sang druga kay Dela Cruz kag gin-ako man sini nga nagagamit siya sang shabu.
Preso na si dela Cruz sa Leganes Municipal Police Station kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
Matandaan nga si Kagawad Alan dela Cruz nga amay sang subject ang isa sa signatories sa complaint nga gin-file ni Punong Barangay aspirant Kagawad Peter Vigo batok kay number 1 Kagawad kag Punong Barangay aspirant James Conlu angot sa isyu sang premature campaigning.
