ILOILO CITY – Gin-appoint bilang undersecretary sang Department of Energy si former AAMBIS-Owa Party List representative Sharon Garin.
Mismo si Department of Energy secretary Raphael Lotilla ang nagpirma sang Oath of Office ni Garin kahapon nga adlaw, Septyembre 16.
Si Garin ang nangin myembro sang House of Representatives humalin sang 2010–2022.
Sang 18th Congress, siya ang chairperson sang House Committee on Economic Affairs.
Antes ang pagtakop sang iya termino, si Garin ang co-chairperson sang Fuel Crisis Ad Hoc Committee nga gintukod bangud sa nagataas nga presyo sang produktong petrolyo.
