Ginkoronahan ang tiglawas sang Palawan nga si Angelica Lopez bilang Reina Filipinas Grand International 2026 nga ginhiwat kagab-i sa Newport Performing Arts Theater sa Pasay City.
Si Lopez ang magarepresentar sang Pilipinas sa Miss Grand International 2026 kasunod ni Emma Mary Tiglao.
Napierde ni Lopez ang 20 ka iban pa nga mga kandidata halin sa nagkalain-lain nga lugar sa pungsod.
Samtang, nakuha naman ni Cleopatra Barrera sang Zambales ang titulo bilang first runner-up kag si Isabella Ortega sang Camarines Sur naman ang second runner-up.
Ginkilala man si Zeah Nestle Pala sang Mandaluyong bilang third runner-up kag si Luisa Benavides sang Caloocan bilang fourth runner-up sa amo nga kompetisyon.
Samtang, nakuha naman ni Anne Patricia Diaz sang Manila kag ni Alexie Mae Caimoso Brooks sang Iloilo City ang Reina Filipinas MGI All Stars.
Igarepresentar sang duwa ang Pilipinas sa masunod nga edisyon sang MGI All Stars.
Nahibaluan nga kabahin sa mga hurado sa Reina Filipinas Grand International 2026 sanday internationally acclaimed Filipino designer Michael Cinco, Miss Grand International 2024 CJ Opiaza, inaugural MGI All Stars winner nga si Vanessa Pulgarin sang Colombia, kag first runner-up sang MGI All Stars nga si Nguyen Huong Giang sang Vietnam.
