ILOILO – Ginkumpirma ni Anilao, Iloilo Mayor Lee Anne Debuque nga napatay sa Western Visayas Sanitarium subong nga adlaw, Hunyo 6, ang repatriated Locally Stranded Individual (LIS) nga nagpositibo sa Coronavirus Disease 2019 (COVID-19).
Base sa record sang Department of Health Region 6, ang pasyente ang isa ka lalaki kag naga-edad sang 39 anyos.
Sa Facebook post sang alkalde, ginahibalo pa sang Western Visayas Sanitarium kun ano gid ang rason sang kamatayon sang COVID-19 patient.
May kaangtanan diri, ginpahayag man ni Debuque nga nagpadala ang Local Government Unit (LGU) sang Anilao sang letter of inquiry sa medical center chief sang nasambit nga hospital bangud base sa adlaw-adlaw nga monitoring sang Rural Health Unit (RHU), mild symptoms na lang ang ginabatyag sang pasyente kag yara na sa estable nga kondisyon.
