Nakaguwa na sa ospital ang two-time heavyweight champion nga si Anthony Joshua duha ka adlaw matapos na-involve ini sa makamamatay nga car accident sa Nigeria.
Suno sa Nigerian officials, padayunon sang British boxing star kag 2012 Olympic gold medalist ang pag-recover sa ila nga balay.
Nagpadulong man ang boksidor kag ang iya iloy sa punerarya agud nga magpaalam sa iya duha ka abyan nga napatay sa amo nga aksidente.
Antes ang insidente, nakit-an pa si Joshua kag iya kaupdanan nga nagahampang sang table tennis. Sang nagabyahe na sang Lunes sang kaagahon, nakabunggo ang salakyan nanday Joshua sa truck sa expressway.
Ulihi siya nga nakahampang sang Disyembre 19 sang ginlutos sini ang YouTuber-turned-boxer nga si Jake Paul sa tune-up.
Kilala siya nga may 29-4 overall record sa iya nga career kun sa diin 26 ang nadag-an paagi sa knockout.
