Gintawag ni Senator Cynthia Villar, chair sang Senate Committee on Agriculture, Food and Agrarian Reform, nga “palpak” ang pagpatuman sang Anti-Agricultural Smuggling Act of 2016.
Ini matapos ginpahayag ni Bureau of Customs acting director for legal service William Belayo nga wala sang na-convict bangud sa smuggling halin sang ginpatuman ang amo nga layi.
Ang Anti-Agricultural Smuggling Act of 2016 ang gin-implementar sa mayor nga katuyuan nga protektahan ang lokal nga agricultural industry kag ang mga mangunguma gikan sa nagakatabo nga smuggling.
Ginalantaw naman sang sini nga komite sa Senado nga amyendaran ini nga Republic Act No. 10845 ukon ang Anti-Agricultural Smuggling Act of 2016 agud nga malakip ang hoarding, profiteering, kag cartel sang agricultural products bilang economic sabotage.
Diri man nga Senate Hearing gin-presentar sang Customs nga nagdangat na sa P2.7 billion ang balor sang agricultural products ang ila nga nakumpiskar subong nga tuig.
