ILOILO – Narekober sang 61st Infantry Batallion sang Philippine Army ang isa ka anti-personnel land mine malapit sa lugar kun sa diin nagluntad ang engkwentro sa tunga sang militar kag ginapahayag rebelde nga grupo sa Brgy. Igtuble, Tubungan Illoilo kahapon,
Sa interview sang Bombo Radyo kay Lt. Col Benedict Batara, Commanding Officer, 61st Infantry Batallion iya ginpahayag nga nasapwan ang nasambit nga land mine sa isa ka kahoy malapit lang sang dalan.
Kaupod man sang nasambit nga eksplusibo ang isa ka 18 metro nga electrical wire kag detonator kun sa diin kun mas nagdugay pa ang engkwentro kahapon posible nga maglupok ini kag madamo nga tawo ang ma apektuhan.
Sa subong cleared na ang nasambit nga area apang indi malikawan nga may yara sa gihapon sang citings sa kaingod nga mga lugar.
