Patay ang apat ka overseas Filipino workers(OFWs) sang ginlamon sang kalayo ang isa ka food factory sa Changhua County sa Taiwan.
Suno kay Manila Economic and Cultural Office (MECO)-Taiwan chairman Atty. Silvestre Bello III, tatlo sa apat ka mga biktima ang napatay bangud sa suffocation, samtang napatay naman ang isa sa ospital.
Magluwas sa apat ka Pinoy nga patay, may apat ka iban pa nga Filipino workers nga nasamaran kag ginabulong pa subong sa ospital.
Ginpahayag ni Bello nga nagtanyag na sang financial aid kag medical assistance ang gobyerno sang Taiwan kag ang employer sang workers nga Lian Hwa Foods Corp.
Magahatag naman ang Pilipinas sang P200,000 nga death benefits kag P20,000 nga burial benefits para sa mga himata sang mga biktima.
Kun may mga anak ang mga biktima, may yara man sang ihatag nga educational assistance.
Suno pa kay Bello, gilayon nga dal-on sa Pilipinas ang bangkay sang overseas Filipino workers kun makumpleto na ang documentary requirements.
