Apat na sa staff sang local government unit sang Pili, Camarines Sur ang napatay halin sang nagliligad nga adlaw bangud sang tuman ka init nga tyempo nga delikado sa ikaayong lawas sang mga residente.
Suno kay Dr. Rafael Salles, head sang Municipal Health Office sang Pili, ginpakuha pa ang death certificate sang mga casualties kag ginahibalo pa ang iban nga detalye nga possible nangin factor sa ila nga kamatayon.
Suno sa LGU, ang apat ang lunsay job order employees nga na-assign sa engineering, public safety office, kag market security.
Sa inisyal pa nga impormasyon, yara sa kuwarentahon kag singkwentahon ang ila mga edad.
Isa sa ila amo ang 59-anyos nga lalaki nga naka-report pa sa trabaho sang nagligad nga semana apang nanotisyaran na sang iya mga kaupod nga nagapalamuti ini kag ginpanugyanan pa nga magpa-check sa ospital apang nag-insister man ini nga mapauli lang sa ila nga balay.
Suno naman sa asawa, nagpahuway pa ang iya bana, kag gulpi lang nga nag-ubo kag sang gindala sa ospital, wala na ini sang kabuhi.
Nahibaluan nga yara masami sa danger level ang heat index sa Pili, Camarines Sur.
Lakip naman sa gin-rekomendar sang LGU amo ang adjustments sa working hours sang staff nga masami gid nagapatial sa init, halimbawa, ang traffic enforcers.
Sa data naman sang Department of Health sa bug-os nga Pilipinas, yara na sa 67 ka mga kaso sang heat-related illnesses sa mga nagaedad 12-21 anyos ang na-rekord halin sang Enero 1-Abril 29. #
(Photo by Joan Bondoc)
