Makaluluoy ang gindangatan sang isa ka babaye sa Laoag City, Ilocos Norte matapos nga nalasakan ini sang closed van samtang nagatabok sa pedestrian lane.
Base sa kuha sang cctv, yara sa tunga sang pedestrian lane ang babaye sang nagliko ang closed van kag nabungguan ang biktima rason nga natumba ini kag nalasakan sang royda.
Madasig naman nga nabuligan ang biktima kag gindala sa ospital.
Nagpasalig naman ang driver sang van nga magabulig sa gasto sa pagpabulong sang babaye.
