Nagsulod na sa Philippine Area of Responsibility (PAR) kaina sang kaagahon si Tropical Storm Jangmi kag ginhatagan sang local name nga Bagyo Domeng.
Sa latest nga data halin sa Philippine Atmospheric, Geophysical and Astronomical Services Administration (PAGASA), ulihi nakit-an ang bagyo sa kalayuon nga 1,345 km nasidlangan sang Southeastern Luzon.
Dala sini ang kabaskugon sang hangin nga 75 km/h malapit sa sentro kag pagmadlos nga tubtub sa 90 km/h. Nagahulag ang bagyo pa-naaminhan sa kadasigon nga 20 km/h.
Wala sang ano man nga lugar sa Pilipinas nga may wind signal number as of press time.
Suno sa state weather bureau, mahimo nga mag-apekto si Doming sa panahon sa pungsod sa masunod nga 24 oras.
Ang southwesterly windflow nga ginapabaskog ni Domeng ang mahimo magdala sang mabaskog nga pag-ulan sa western portions sang pungsod umpisa sa Domingo, Mayo 31.
Sa latest forecast track, manubo pa ang tyansa nga may tropical cyclone wind signal sa Extreme Northern Luzon, apang indi imposible nga ipaguwa ini sang ahensya.
Posible man nga indi mag-landfall si Domeng apang magalab-ot sa typhoon category sa Sabado.
Magaguwa ini sa PAR sa Lunes, Hunyo 1.
 si Tropical Storm Jangmi kag ginhatagan sang local name nga Bagyo Domeng.){kind=link}