Nahimo na nga Super Typhoon si Bagyo Francisco samtang nga yara ini gihapon sa kadagatan sa nasidlangan sang Northern Luzon.
Sa alas singko sa kaagahon nga weather bulletin sang PAGASA, nakit-an ang sentro sang bagyo sa kalayuon nga 410 km East sang Aparri, Cagayan.
Dala sini ang kabaskugon sang hangin nga 185 km/h malapit sa sentro kag pagmadlos nga tubtub sa 230 km/h. Nagahulag ang super typhoon pa-nakatundan naaminhan nakatundan sa kadasigon nga 10km/h.
Napaidalom sa Signal No. 1 ang Batanes kag ang northeastern portion sang Cagayan lakip na ang eastern portion sang Babuyan Islands.
Pananglitan nga may pagliso ang bagyo pa-nakatundan base sa makit-an sa forecast track, posible nga may ipasaka sa Wind Signal no. 2 nga amo ang Babuyan Islands kag Batanes. Apang manubo na suno sa PAGASA ang tyansa nga matabo ini bangud nagahulag ang bagyo sa northwestward track.
Ginapabaskog man sang bagyo ang Southwest Monsoon ukon Habagat kag nagadala sang pagmadlos sang hangin ilabi na sa coastal areas sa kadam-am nga bahin sang Luzon, Visayas, Zamboanga Peninsula, Northern Mindanao, Surigao del Norte, Dinagat Islands, Davao Occidental, kag Davao Oriental.
Suno sa PAGASA, magapabilin nga malayo ang bagyo sa Philippine landmass ukon sa duta.
Posible nga magbaskog pa ini ukon ipabilin ang pwersa tubtub karon sa hapon.
Magagwa ini sa Philippine Area of Responsibility (PAR) sa Byernes sang aga.
