Gindagdagan sang Makati City Regional Trial Court Branch 148 sang arrest warrant si Attorney Levito Baligod kasunod sang duha ka counts sang cyber libel.
Nag-ugat ini sa gin-file nga separado nga panumbungon ni Agriculture Secretary Francisco Tiu Laurel Jr. sang Marso 19, 2026.
Si Baligod amo ang nagapungko nga abogado sang 18 nga ka mga nagpakilala nga “ex-marines” nga naga-claim nga nangin bagmen ni former Ako Bicol Representative Zaldy Co.
Base sa Section 4(c)(4) sang Cybercrime Prevention Act of 2012, kinahanglan ang P20,000 nga pyansa sa kada count sang cyber libel.
“Nakalusot ang kaso na ito… dahil sadyang mali ang binigay na address ko sa piskalya, kaya naman hindi ako nakatanggap ng subpoena at hindi nakasumite ng counter-affidavit. Ayaw lumaban nang patas,” kabahin naman sang reaksyon sang abogado.
Sa kopya sang arrest warrant, nakabutang nga gin-isyu ini sang Makati RTC Branch 148 paagi kay Acting Presiding Judge Antonio Ray Abello Ortiguera sang nagligad pa nga Hunyo 15,2026.
Nahibaluan nga nangin bantog ang nagpakilala nga ex-marines bangud sang ila akusasyon nga nagdul-ong sila sang mga maleta nga may kwarta sa pila ka kilala nga government officials kag mga kongresista nga ila ginpang-akusaran nga nagabaton sang alleged kickbacks halin sa flood control projects.
Isa si Tiu Laurel sa ginmensyonar sa joint affidavit nga nagaalegar nga involved ini sa agricultural smuggling kag delivery sang alleged kickbacks sa pila ka government officials.
Base sa mga alleged bagmen, nakakuha sila sang kwarta halin sa balay ni Tiu Laurel sa South Forbes kada semana.
Sang amo nga tion, nag-isyu sang iya official statement ang tiglikom kun sa diin gintawag sini nga “defamatory attacks” ang amo nga pahayag kag “purely fiction.”
Gin-athag man sini nga wala siya nagapuyo sa iya balay sa Forbes Park halin pa sang 2018.
Ginpanindugan man ni Tiu Laurel nga wala siya sang koneksyon sa 18 ka ginaalegar nga bagmen.
“What they stated in their affidavit is all lies, and there is no truth to it,” pahayag sini.
