𝗜𝗟𝗢𝗜𝗟𝗢 𝗖𝗜𝗧𝗬 – Nagdangat tanan sa P1.2 million ang balor sang mga propedad nga nasunog sa Rizal Lapuz Sur, Iloilo City.
Sa interview sang Bombo Radyo kay Fire Officer 2 Earl Anthony Darroca, Fire and Arson investigator sang Iloilo City Fire Station, iya ginpahayag nga ini nga kantidad ang gintingob nga kalahitanan nga natuga sa 18 ka mga propedad.
Sa nasambit nga numero, 16 ang partially burned kag 2 ang partially burned.
Naghalin naman ang sunog sa ikaduha nga panalgan sang balay ni Andre Goco bangud sa kuryente.
Temporaryo naman nga nagtinir ang mga nasunugan sa Jalandoni Memorial Elementary School.
Nahibaluan nga sa nasambit nga sunog, isa ka bedridden nga senior citizen ang napatay matapos na-trap sa sunog.
Ini amo si Susan Aycona, 68, sa diin tul-an na lang ini sang nasapwan.
