ILOILO CITY- Paano kun isa ka adlaw matapos ang inyo kasal, nalimtan sang imo bana ang tanan?
Ini ang sitwasyon subong sang mag-asawa nga Jan kag Loaren Campaner sa Zamboanga del Sur.
Nagsuprir sang amnesia ang lalaki isa ka adlaw matapos sila nga ginkasal.
Suno kay Loaren, tuman ka budlay para sa iya nga batunon ang natabo ilabi na nga bag-o pa lang sila nagsugod bilang mag-asawa.
Sang ginpalantaw sa doctor, ginsiling nga may yara sang traumatic brain injury si Jan nga nagdulot sang retrograde amnesia gani indi na niya madumduman ang mga nakaligad.
Ginpahayag naman ni Loaren nga pagkatapos sang ila nga kasal, nagbaisay ang pamilya nila kag wala ini nagustuhan ni Jan gani ginsakit niya ang iya kaugalingon.
Sa subong, ginatinguhaan ni Loaren nga madumduman ni Jan ang iya nakaligad paagi sa pagpalantaw niya sang ila mga letrato sang sila ang ginkasal.
Ang masakit pa, indi man madumduman ni Jan nga may duha sila ka kabataan.
Sa subong, nagapangamuyo si Loaren nga mabalik na sa normal ang memorya sang iya nga bana.
