Ginsuguran na sang Overseas Workers Welfare Administration (OWWA) ang pagproseso agud madala-pauli sa Pilipinas ang bangkay sang tatlo ka mga Pinoy nga napatay bangud sa lapnagon nga pagbaha sa Dubai sa United Arab Emirates.
Ginpangalanan ang mga biktima nga amo sanday Danny Casipong, Jennie Gamboa kag Marjorie Saquing.
Sa inisyal nga report, ginbawian sang kabuhi si Casipong bangud nga nahulog ang salakyan sini sa sinkhole; samtang sanday Gamboa naman kag Saquing ang na-suffocate sa sulod sang shuttle service nga ginpahayag nag-aso samtang padayon ang pagbaha.
Nahibaluan nga nag-untat na sa pag-ulan sa Dubai apang daku nga problema ang pag-subside sang tubig-baha.
Yara sa 650,000 ka mga Pinoy ang nagatinir kag naga-trabaho sa Dubai nga ginabuligan man sang gobyerno suno sa OWWA.
Ang pag-ulan sang nagligad nga Lunes, Abril 15, amo ang ginakabig pinakamalala sa maragtas sang UAE sa sulod sang 75 ka tuig.
Nahibaluan nga magluwas sa tatlo ka mga Pinoy nga napatay, may isa man ka tigulang nga Emirati nga napatay matapos nga gindala sang daludo sang tubig ang iya nga salakyan.
