ILOILO CITY – Gintawag nga “rumored boyfriend” sang trending basketball player nga si Trina Guytingco ang aktor nga si Joshua Garcia.
Ini ang sabat ni Trina sa comment ni Joshua sa iya Instagram post kun sa diin, ginpakita niya ang pila ka beach trip pictures.
Ang huring-huring nga may karelasyon ang duwa ang naggwa matapos nga gin-post ni Joshua ang litrato ni Trina sa ila beach trip sa birthday celebration ni Kathryn Bernardo.
Si Trina ang suod nga abyan ni Kathryn Bernardo kag kabahin sang women’s basketball team sang Ateneo.
Si Joshua naman ang masami nga makaupod sang Kathniel sa mga bakasyon upod sanday Ria Atayde, Zanjoe Marudo, Alora kag iban pa nga abyan sang loveteam.
Kung madumduman, si Joshua kag ang aktres nga si Ria Atayde ang ginkunu-kuno nga magkarelasyon kun sa diin, gingamit man ni Ria ang “rumored boyfriend” sang gin-greet ini sang aktor sa iya kaadlawan.
