Nagtaliwan na sa edad nga 78-anyos ang beterana nga komedyante nga si Evelyn Bontogon-Guerrero ukon mas kilala bilang si Matutina.
Santo sa kumpirmasyon sang pamilya, ginbawian ini sang kabuhi bangud sa acute respiratory failure.
May yara man ini sang stage 5 chronic kidney disease kag hypertensive cardiovascular disease.
Kilala si Matutina sa industriya bilang isa sa bantog nga cast members sang “John en Marsha” kaupod sanday Dolphy kag Nida Blanca nga gin-ere sadtong 1973 tubtub 1990.
Magluwas diri nga hit show, nakit-an man siya sa nagkalain-lain nga TV programs kaangay sang “At Your Service, Matutina,” “Ang Inyong Lingkod Matutina,” “Dancing Master 2,” kag “Kapag Baboy Ang Inutang.”
Napakigbahin man sini anay sang nagligad nga tuig nga may ginasuprer ini nga osteoporosis kag halos isa ka dekada na nga nagapaidalom sa dialysis.
