Napatay na sa edad nga 69-anyos ang beterano nga actor-director nga si Manny Castañeda.
Ginkumpirma ini sang iya suod nga abyan nga si Film Development Council of the Philippines (FDCP) chair kag CEO Jose Javier “Joey” Reyes, Hulyo 1.
Antes nagtaliwan ang screen veteran, na-diagnose pa ini nga may pneumonia apang indi maathag (as of press time) kun ano gid ang rason sang iya kamatayon.
“Honestly, I do not know how it is going to be without my best friend just sitting out there ready to bitch it out with me. We may have our differences in political beliefs, we may have our arguments but we were there for each other… all the way,” kabahin sang post ni Reyes para sa iya abyan sa sulod sang 61 ka tuig.
“You are such a great part of my life because you are my irreplaceable BFF. I am going to miss you big time,” dugang sini.
Ang iban pa nga nagpadala sang ila mensahe sang pagpakig-simpatiya amo sanday Agot Isidro, Pops Fernandez, Wilma Doesnt, Jed Madela, kag Vickie Rushton.
Kilala si Castañeda nga kabahin sang mga pelikula nga Aliw (1979), Oro Plata Mata (1981), Bukas Luluhod ang Mga Tala (1984) kag Sana’y Wala Nang Wakas (1986); kag nangin kabahin man sang television series nga Makiling kag FPJ’s Ang Probinsyano.
Bilang filmmaker naman, nangin kabahin siya sang Sa Kabilugan ng Buwan (1997), May Isang Pamilya (1999), kag Shame (2000).#
