“Firefighter na, teacher pa!”
Ini ang bansag sang mga tawo kay Senior Fire Officer 1 Sussie May L. Magan, assigned sa Roxas City Fire Station kag residente sang San Miguel, Jordan, Guimaras.
Si Magan ang isa ka permanent instructor sa Culasi Fire Sub-Stations sa Roxas City, Capiz, kag ginhakos ang responsibilidad bilang mentor kag teacher sa iya adopted students.
Kada Sabado, ginatudluan niya ang mga 40 tubtob 45 ka mga bata kaangay sang maayo nga pagbinatasan, pagkay-o sang ila kaugalingon, kag ginahatagan man niya ang mga ini sang complimentary snacks.
May yara man siya sang regalo nga school essentials sa kada pagbukas sang klase.
Magluwas sa kabataan, iya man ginaubayan ang mga ginikanan paagi sa pagtudlo sa iya sang mga tips agud maprotektahan ang propiedad kag kabuhi sang ila pamilya paagi sa paglikaw sa sunog.
Si Magan ang isa ka ehemplo sang mataas nga standards sang propesyonalismo kag serbisyo.
Ang iya pagka-leader ang nagaserbe inspirasyon sa iya kaupdanan kag ini ang dako gid nga bulig sa pagpaayo pa sang imahe sang Roxas City Fire Station kag sang kabilugan nga organisasyon sang Bureau of Fire Protection.
