Naka-set na sang imbestigasyon ang Senate blue ribbon committee sa ginaalegar deficiencies nga natukiban sang Commission on Audit (COA) sa paggamit sang P67.32-billion nga pondo sang Department of Health (DOH) sa pagpakig-away sa COVID-19.
Natalana ang virtual public hearing sa Agusto 18.
Suno kay Senator Richard Gordoon, hibaluon niya sa DOH kun ngaa wala maggamit sang insakto ang pondo.
Indi luyag sang senador nga tadlungon ang mga pagpamasol sang publiko sa ahensya sa baylo mas gusto sini nga kaayuhon ang problema kag siguraduhon nga manabat ang DOH sa mga Filipinos kun ngaa wala nila ginhimo ang dapat nila himuon.
Una na nga nagfile sang separado nga mga resolutions sanday Senator Grace Poe kag Senate Minority Leader Franklin Drilon nga nagamandu sang imbestigasyon sa ginaalegar deficiencies sa paggamit sang multi-billion funds.
