ILOILO – Ginkumpirma ni Iloilo City Mayor Jerry Treñas nga ginaprubahan na niya ang recommendation for dismissal ni Joemarie Esteral, bookeeper sang Local Civil Registry nga gin-assign sa Calajunan Dumpsite.
Madumdman nga una na nga ginpapanaugan ni Mayor Jerry Treñas sang 60-day suspension si Esteral matapos nga nagbalik ini sa iya nga mother unit nga wala sang pahanugot sang alkalde.
Naangot man nga bagman ni Mr Juncae Manikan nga pinuno sang Local Civil Registry si Esteral natuhoy sa 180 ka peke nga mga kasal.
Bangud diri, ginpasakaan sya sang kaso nga grave coercion, grave misconduct kag oppression ni Mayor Treñas kag iban pa nga empleyado sang Iloilo City Hall.
Sa interview sang Bombo Radyo kay Treñas, iya ginpahayag nga sa subong ginpasakaan sang kaso nga gross insubordination si Esteral nga nagresulta sang iya nga recommendation for dismissal.
Suno kay Treñas, epektibo na ang dismissal order ni Esteral kahapon nga adlaw.
