Patay ang isa ka barangay kapitan, isa ka pulis, kag duwa ka sibilyan matapos gintiro sa tunga sang selebrasyon sang piyesta sang San Rafael Abajo, Sto. Tomas, Isabela.
Ang mga biktima amo sanday Brgy. Colonguan Chairman Jimmy Paeste Jr., P/Corporal Frederick Bautista sang Santo Tomas Municipal Police Station (MPS), Marlo Joaquin Baui nga 18-anyos, kag si alyas “Den” nga 48-anyos.
Nagakaon ang mga biktima sang ginpaulanan sang bala sang wala pa makilala nga mga suspek nga madasig nga nalagyo sakay sa puti nga van kag motorsiklo matapos ang krimen.
Dead-on-the-spot kanday Bautista kag Paeste.
Nadala pa sa ospital ang duwa pa ka biktima apang sang ulihi, ginbawian man sang kabuhi.
Padayon pa ang imbestigasyon sa insidente.
