ILOILO CITY – Ginbuyagyag sang opisyal sang Bureau of Corrections nga nag-resign siya sa idalom ni anay chief Gerald Bantag matapos nga ginsugo siya nga magkolekta sang kwarta nagikan sa high-profile convicts nga sanday Janet Napoles kag Yu Yuk Lai.
Matapos nag-retire sa Bureau of Jail Management and Penology, ginpahayag ni Angelina Bautista nga gindala siya ni Bantag sa Bureau of Corrections sang 2019. Apang nag-resign siya pagkatapos sang isa ka tuig bangud sa indi magsanto nga prinsipyo. Nagbalik siya sa bureau matapos nga gin-islan si Bantag ni Director General Gregorio Catapang Jr.
Sa ginpatigayon nga hearing sang Senate Committee on Justice and Human Rights, ginpahayag ni Bautista nga nag-resign siya sang May 15, 2020 kasunod sang kamatayon sang iya anak kag bangud sang indi pareho nga prinsipyo.
Si Napoles ang na-identify nga mastermind sa likod sang multibillion-peso Priority Development Assistance Fund mess ukon ang pork barrel scam.
Samtang si Yu Yuk Lai naman ang isa ka Taiwanese drug dealer nga napatay sa sulod sang New Bilibid Prison sang 2021 bangud sang coronavirus disease 2019.
Si Bautista ang nagbalik sa Bureau of Corrections bilang executive head assistant sang director general kag officer-in-charge sang Office of the Deputy Director for Operations.
Apang, gin-relieve ini sang Agosto 5 bangud sang imbestigasyon sa alegasyon batuk sa iya kasunod sang report nga nagapanag-iya ini sang isa ka catering service sa Correctional Institute for Women sa Mandaluyong City.
