Nagpangabay ang Philippine Animal Welfare Society (PAWS) sa publiko nga indi pag-ilakip ang mga buhi nga rabbit, piso, kag iban pa nga sapat kun mag-regalo subong nga Easter Sunday.
Pahayag sang organisasyon, daw kaangay nga ginapintasan ang mga sapat kun ginapanghatag lang sila bilang giveaways sa sini nga mga event.
Ini bangud dapat nga handa gid ang pet parents ukon ang pet guardians sa ila nga katungdanan antes nga mag-adoptar sang sapat.
“Despite many years of PAWS’s campaigning against live animal giveaways or having animals as raffle items, several non-animal welfare friendly establishments still insist on giving away live rabbits or chicks for Easter and other events,” pahayag sang PAWS.
“This Easter, please refrain from supporting events that give away live animals or those that raffle off live animals.”
Naghingyo man ang PAWS sa mga tawo nga magkomento sa social media pages sang mga establisyemento nga nagalakip sang mga sapat bilang giveaways.
Gina-engganyo man ang publiko nga mag-kontak sa Bureau of Animal Industry – Animal Health and Welfare Division agud magpamangkot kun may permits ang establisemento agud manghatag sang sapat. Kun wala suno sa grupo, ginalapas sang establisyemento ang Animal Welfare Act.
Nahibaluan nga ang rabbits kag ang mga piso —base sa kustombre — ang naangot sa Easter ukon ang selebrasyon sang pagkabanhaw ni Hesukristo. Ang Easter amo ang katapusan nga adlaw sa Balaan nga Semana.#
