ILOILO CITY- Wala gihapon ginauyatan sang Special Investigation Task Group PALIBOSFER (Parohinog, Libao, Bosque, Fernandez) ang cellphone sang lone survivor kag person of interest sa Estancia Massacre nga si Jevron Parohinog.
Sa interview sang Bombo Radyo kay PSMS Francisco Lindero Jr., spokesperson sang Iloilo Police Provincial Office kag designated spokesperson sang Task Group, iya ginpahayag nga ang cellphones sang mga napatay nga biktima lang nga sanday Chrysler Floyd Fernandes, John Paul “JP” Mark Bosque, kag Mark Clarenz Libao ang yara sa custody sang otoridad para sa forensic examination.
Suno kay Lindero, may yara man sang isa pa ka cellphone nga ginapanag-iyahan sang isa ka security guard nga nakakuha man sang video sa lugar pagkatapos sang insidente kag yara naman sa paghinakop sang Regional Anti-Cybercrime Unit.
Apang pahayag ni Lindero, ginhatagan nila sang deadline tubtob subong nga adlaw si Parohinog nga i-surrender ang iya cellphone sa Task Group para maimbestigaran.
