ILOILO CITY- Hugot nga gina-monitor sang City Environment and Natural Resources Office ang pagpangtakod sang election materials sa mga kahoy.
Sa interview sang Bombo Radyo kay Engr. Neil Ravena, pinuno sang opisina, iya ginpahayag nga ginadumilian gid sang Commission on Elections ang pagtakod sa kahoy sang ano man nga campaign paraphernalia.
Suno kay Ravena, sa tion nga may makit-an sila, ila ini iga-confiscate kag himuan sang report nga ipasa sa Commission on Elections agud mapatawag ang sin-o man nga kandidato nga gina-promote sa amo nga campaign material.
Pahayag ni Ravena, sa subong, may duha ka teams ang ila opisina nga nagalibot sa tanan nga distrito sang syudad ilabi na sa mga publc plaza.
