Lauman nga maga-sentro ang summit sang Group of Seven ukon G7 leaders sa China kag Russia, ang duha ka mga pungsod nga indi man imbitado sa amo nga meeting.
Maga-umpisa subong nga Byernes ang summit sa Hiroshima, Japan kun sa diin magatambong ang mga lider sang G7 countries nga amo ang United States, Japan, Germany, United Kingdom, France, Canada, kag Italy.
Ang Japan amo ang nagaisahanon nga Asian member sang G7.
Ini nga mga pungsod ang palareho nga may economic partnership sa China nga amo ang ikaduha sa pinakadaku nga ekonomiya kag isa sa nagapanguna sa global manufacturing base kag market.
Lauman man nga maistoryahan ang dugang nga sanctions nga posible idagdag batok sa Russia agud nga mapwersa ini nga untaton ang pagsulod kag pag-atake sa Ukraine.
Posible man nga may yara sang virtual message nagikan kay Ukrainian President Volodomyr Zelensky nga ginalauman na nga manawagan liwat sang dugang nga armas kag military aid agud nga makabato sa Russia.
