ILOILO CITY- Ginalantaw sang Philippine Coast Guard (PCG) nga ang pagtampok sang crushed corals malapit sa Escoda (Sabina) Shoal ang kabahin sang preparasyon sang China para sa reclamation activities agud magtukod ang struktura sa ibabaw sang amo nga maritime feature nga mas malapit sa Palawan kun ipaanggid sa Ayungin Shoal sa West Philippine Sea.
Gin-isyu ni Commodore Jay Tarriela, PCG spokesperson for the West Philippine Sea, ang amo nga pahayag kadungan sang gin-report niya nga may masobra sa 30 Chinese militia vessels, magluwas sa research ships sang China, Navy vessels kag helicopter, ang na- monitor sa malawig nga deployment sang BRP Teresa Magbanua sa Escoda Shoal.
Suno kay Tarriela, base sa research findings sang University of the Philippines (UP) marine biologists nga ginpangunahan ni Dr. Jonathan Anticamara, ang pagdamol sang sandbars sa Sandy Cay ang tuman ka prominente.
Apang sa Escoda Shoal, ginpahayag oi Tarriela nga kaangay nga nagasugod pa lang sa pagtampok ang China sang ginpudpod nga mga corals.
Suno pa kay Tariella, ang possible nga matabo amo nga patyon sang China ang madamo pa nga corals agud magamit nga foundation para sa ila island-reclamation.
