Magatingob-pwersa ang China kag ang Saudi Arabia sa naval drills sa masunod nga bulan bilang pagpakita sang pagpadalom pa sang relasyon sang Beijing sa amo nga pungsod sa Middle East.
Ang drills nga pagatawgon nga “Blue Sword 2023” ang matabo sa southern province sang China nga Guangdong.
Photo Courtesy: Reuters
Suno sa defense ministry sang pungsod, magatutok ang joint training sa overseas maritime counter-terrorism operations, pagpatigayon sang exercises sa sniper tactics, boat driving, helicopter landing, kag joint rescue.
2019 sang ulihi nga nagpatigayon ang duha ka pungsod sang joint naval drills.
Ini nga exercises ang himuon samtang nagatindog ang China bilang “peacemaker” sa Middle East. Sini nga tuig sang ginpangunahan sang China ang kasugtanan agud nga magbalikanay sang buot kag magbukas sang tagsa ka embahada ang madugay na magkaaway nga Saudi Arabia kag Iran.#
