Ginatan-aw subong sang Commission on Elections nga mangin mas mabaskog ang mga aktibidad sang mga pulitiko sa pagpangampanya subong nga semana.
Suno kay Comelec spokesman James Jimenez, kinahanglan nga maghanda na ang local government units (LGUs) bangud nagahimo na ang mga kandidato sang tagsa nila ka mga estilo sa pagpangampanya ilabi na nga ini ang ulihe nga semana sang campaign period.
Dugang pa sang natungdan, ini na ang tion agud nga magpahibalo ang mga kandidato sa LGU kun magpatigayon sang aktibidad sa lugar agud nga masiguro nga matawhay ang mga dalan.
Ang campaign period para sa national kag local candidates ang matapos na sa Mayo 11.
Liwat nga nagpanugyan si Jimenez sa LGUs nga sigaruduhon nga ang mga campaign posters ang yara sa insakto nga lugar.
Nagapati man ang Comelec nga madugangan ang numero sang mga motorcade amo man ang mga tawo sa dalan sa pagtakop sang campaign period.
Ginalauman man nga may yara sang patigayunon nga hublag protesta.
