ILOILO – Ginaduso sa Sangguniang Panlalawigan nga ipatawag ang mga tiglawas sang Department of Education, Department of Health, kag Department of Information and Communications Technology agud madiskusyunan kag masolusyunan ang problema sang mga kabataan kag manunudlo sa blended learning subong nga academic year.
Sa interview sang Bombo Radyo kay Ex-Officio Board Member Ramon Sullano, Interim President sang Philippine Councilors League sa probinsya sang Iloilo, iya ginpahayag nga lakip sa nagapanguna nga problema amo ang mahinay nga internet connection.
Magluwas diri, dapat man suno kay Sullano nga mahibaluan ang husto nga pagmanage sang mga manunudlo sa ila mga estudyante agud malikawan ang mental stress.
Gin-angot ni Sullano ang mental stress sa mataas kag makaalarma nga numero sang kaso sang paghikog sa probinsya kun sa diin, as of September, 72 na ang narekord sa probinsya sang Iloilo —- nagapanguna sa Western Visayas.
Importante suno kay Sullano nga matutukan ang mental health bangud ang tuman ka damo nga pagpanghangkat sa online classes ang pila lang sa makabig ‘contributing factors’ sa mental stress
