ILOILO CITY- Ginpadayaw ni Iloilo City Councilor Romel Duron nga nakatuon siya may kaangtanan sa Public Utility Vehicle Modernization Program.
Ini may kaangtanan sa iya pagpasar sang resolusyon nga nagaayo sa Department of Transportation, Land Transportation Franchising and Regulatory Board, Office of Transport Cooperative and Cooperative Development Authority sa pag-review sang implementasyon sang Public Utility Vehicle Modernization Program.
Sa interview sang Bombo Radyo kay Duron, iya ginpahayag nga katuyuan sini nga mahatagan man ang iban nga kaupdanan niya sa City Council nga tun-an ang implementasyon sang amo nga programa sang gobyerno may kaangtanan man sa ginapatuman nga Local Public Transport Route Plan.
Suno sa konsehal, ini bangud nga posible nga wala ini gintun-an sang iban nga konsehal.
Gintumod sini nga lima sa10 ka mga components sang programa ang wala ma-comply nga amo ang financing,route rationalization, kag iban pa.
Dugang niya, indi man handa ang pila ka mga lugar para sa modernization program.
Una na nga nagpabutyag sang suporta niya si Iloilo City Mayor Jerry Treñas sa pag-review sa implementasyon sang Local Public Transport Route Plan.
Gin-refer naman sa Committee on Transportation nga ginapamunuan ni Councilor Sedfrey Cabaluna ang proposed nga resolusyon ni Duron.
