ILOILO CITY – Nadugangan sang 102 ka panibag-o nga kaso sang COVID-19 ang Western Visayas.
Base sa Marso 20 nga bulletin sang Department of Health Region VI, 3 sa panibag-o nga kaso ang nagikan sa Aklan, 2 sa Capiz, 12 sa Guimaras, 37 sa Iloilo, 15 sa Negros Occidental, 3 sa Bacolod City, kag 20 sa Iloilo City.
Sa recoveries, 74 ang nagdugang, samtang wala naman sang nagdugang sa mga napatay.
Sa subong, ang Rehiyon VI ang may yara na sang 26,446 nga total confirmed cases sang COVID-19.
Sa sini nga numero, 1,431 ang total active cases, 24,243 ang reported recoveries, kag 766 ang reported deaths.
Kun pahat-pahaton ang mga kaso sa rehiyon:
Aklan – 1,058
Antique – 120
Capiz – 1,315
Guimaras – 356
Iloilo – 4,997
Negros Occidental – 7,084
Bacolod City – 5,901
Iloilo City -5,615
