ILOILO CITY – Napainan na sang Department of Health Region VI sang Sinovac COVID-19 vaccines ang pila ka district hospitals sa probinsya sang Iloilo.
Subong man nga semana umpisahan ang vaccine rollout sa mga health workers nga nagatrabaho sa amo nga district hospitals.
Sa interview sang Bombo Radyo kay Dr. Cynthia Cabangal Ng, chief sang Hospital Management Office sang Iloilo Provincial Government, iya ginpahayag nga bwas, Marso 10, ipatigayon ang COVID-19 vaccination sa San Joaquin Mother and Child Hospital (SJMCH) sa San Joaquin, Iloilo.
A health worker manipulates a dose of the Coronavac vaccine at a drive through vaccination center at the Sambodrome Rio Carnival venue, in Rio de Janeiro, Brazil, on February 6, 2021. – Brazil’s regulators gave conditional approval for Sinovac Biotech Ltds shot, CoronaVac, clearing the way for general use. Elderly and at risk members of the population have been given priority. (Photo by CARL DE SOUZA / AFP) (Photo by CARL DE SOUZA/AFP via Getty Images)
56 ka mga health workers ang nag-signify nga batunon ang bakuna nga himo sang Chinese firm nga Sinovac Biotech.
Sa Hwebes, Marso 11, ipatigayon ang inoculation sa Representative Pedro G. Trono Memorial District Hospital sa Guimbal, Iloilo kun sa diin 133 out of 275 ka health personnel ang sugot nga mag-avail sang Sinovac vaccine.
Sa Hwebes man umpisahan ang vaccination sa Aleosan District Hospital sa Alimodian, Iloilo kun sa diin 62 out of 245 ka personnel ang sugot nga mapabakuna.
Gin-athag ni Ng nga DOH Region VI ang nagpili sang mga ospital kun sa diin i-allocate ang nasambit nga COVID-19 vaccines.
Ang bakuna nga gamiton ang kabahin pa sang una nga batch sang CoronaVac nga nag-abot sa Western Visayas.
Una na nagpahayag ang DOH nga una ginhatagan sang doses ang anum ka identified priority hospitas (duha sa Bacolod City kag apat sa Iloilo City) apang may yara sang quick distribution list nga ginhanda agud indi mauyang ang bakuna kun indi maconsume sang priority hospitals ang alloted doses.
