Wala sang mangin pagbag-o sa presyo sang bugas bisan nagtaas ang presyo sang mga produkto petrolyo.
Ini ang ginpahayag sang Department of Agriculture (DA) matapos ang big-time oil price hike nga ginpatuman epektibo kahapon sang aga, Septyembre 8.
Suno kay DA spokesperson Arnel de Mesa, estable pa ang presyo sang bugas sa mga merkado nga naga-range sa P48 tubtub P55 ang isa ka kilo.
Suno kay De Mesa, maayo pa ang suplay ukon imbentaryo sang bugas sa pungsod gani wala ginalauman nga maapektuhan sang pagmahal sang fuel ang presyo sini.
Dugang pa niya, bisan i-konsiderar ang mga pamierdehan sa ani bangud sa apat ka bagyo nga nag-agi, wala pa gihapon sang nakita nga epekto ini sa presyo sang bugas.
Nauna na ginsiling sang Department of Energy (DOE) nga ang daku nga pagsaka sa presyo sang gatong ang mahimo maangot sa pagdaku na naman sang tension sa tunga sang US kag Iran, kag ang padayon nga pagluya sang piso kontra sa dolyar.
