ILOILO CITY- Generally peaceful ang nangin dalagan sang local and national elections sa bahin sang Western Visayas.
Sa interview sang Bombo Radyo kay PLtCol Arnel Solis, spokesperson sang Police Regional Office (PRO) 6, iya ginpahayag nga base sa ila assessment, wala sang may na-record nga dalagko nga insidente sa rehiyon may kaangtanan sa pagpangampanya sang mga kandidato.
Suno kay Solis,nagnubo man ang total crime incidents subong nga May 9, 2022 nga piniliay kun ipaanggid sang 2016 kag 2019.
Ginpahayag naman ni Solis nga magapabilin ang deployment sang mga personnel sang PRO-6 sa ila mga areas of assignment tubtob nga matapos na gid ang mga aktibidad may kaangtanan sa eleksyon.
Nahibaluan nga 12,000 ka mga police personnel ang gindeploy sa nagkalain-lain nga lugar sa bilog nga Western Visayas.
