ILOILO – Padayon pa nga ginatipon sang Commission on Population and Development ang data nga nagaangot sa mga nabiktima sang adolescent pregnancy kag gender-based violence subong nga ginasuprer ang coronavirus disease 2019 (COVID-19) pandemic.
Sa exclusive interview sang Bombo Radyo kay Engr. Harold Alfred Marshall, regional director sang Commission on Population and Development Region 6, iya ginpahayag nga may data na nga nagsulod apang ini ang ipaidalom pa sa maid-id nga verification.
Suno kay Marshall, matapos ang anom ka bulan, makumpirma kun ang isa ka dalaga ang nabiktima sang adolescent pregnancy sa diin kinahanglan nga may mga pamatuod nga siya ang ginpilit nga himuslan sang myembro sang iya pamilya.
Sa subong suno kay Marshall, ang ila nga ginahimo amo ang pagbaton pa sang mga reklamo kadungan sang pagpaidalom sa Western Visayas sa Modified General Community Quarantine (MGCQ).
Samtang, magapanagtag naman ang ahensya sang mga information education and communication materials kag mga supply sang condom kag pills sa nagkalain lain nga lugar sa rehiyon agud mas mapasangkad ang ihibalo sang kadam-an sa pagtapna sang unwanted pregnancy kag pagpang-abuso sekswal.
