ILOILO CITY- Ginmando sang Philippine Navy ang imbestigasyon sa nangin pahayag sang isa sa mga reservists nga si Davao del Norte 1st District Representative Pantaleon Alvarez, nga nagpanawagan sa militar nga mag-withdraw sang suporta kay President Ferdinand Marcos Jr. tuhoy sa iya polisa sa West Philippine Sea.
Sa statement sang Philippine Navy, ang mangin resulta sang imbestigasyon ang himuon nga basehan sang mangin tikang sang organisasyon.
Ginhingyo man kay Alvarez nga magpaathag tuhoy sa iya nangin pahayag.
Una na nga gin-reject sang Armed Forces of the Philippines, amo man sang Department of Defense, ang panawagan ni Alvarez.
Suno kay Defense Secretary Gibo Teodoro,ang ano man nga panawagan sa militar nga mag- withdraw sang suporta ang may katumbas gid nga posible nga criminal investigation.
Ginpahayag man sang Department of Justice nga ila usisaon ang pahayag ni Alvarez kun magtupa ini sa lebel sang sedition, inciting to sedition, ukon rebellion.
